કોચીંગ સેન્ટરના વિદ્યાર્થીઓને આકર્ષવાના નવા નુસખા

મિત્રો, કોચીંગ સેન્ટરો વિશે વિદ્યાર્થીઓના હિતમાં લખીએ એટલુ ઓછુ પડે તેવી ગુજરાતની હાલત છે. અગાઉના લેખોમાં આપણે જોયુ જ છે કે કંઇ રીતે કોચીંગ સેન્ટર આકર્ષક અને ભ્રામક જાહેરાતો દ્વારા વિદ્યાર્થીઓને આકર્ષી, તગડી ફી વસૂલે છે અને બદલામાં ગુણવત્તાયુક્ત ગુણવત્તા વીનાનું માર્ગદર્શન અને વાંચન સામગ્રી આપી દે છે.

હાલ જ એવા બે કોચીંગ સેન્ટરો વિશે જાણકારી મળી જેઓ વિદ્યાર્થીઓને આકર્ષવા માટે સાવ અલગ જ નુસ્ખા અપનાવે છે. વધુ લાંબી વાત ન કરતા સીધી બે નુસ્ખાઓ વિશે જ વાત કરીએ.

1. એક કોચીંગ સેન્ટર વાળા ‘સાહેબ’ વિદ્યાર્થીઓને આકર્ષવા માટે જાહેર સભાઓમાં એવુ કહે કે પોતે યુપીએસસી દ્વારા લેવાતી કોઇ સુપર ક્લાસ 1પરીક્ષા પાસ કરી ચુક્યા છે અને વિદ્યાર્થીઓને માર્ગદર્શન આપવા માટે આ નોકરી જોઇન નથી કરી!!! (અંગ્રેજીમાં કહીએ તો What a Joke!) પછી તે કોચીંગનો પર્દાફાશ કરવા બે બહેનોને અને ત્યારપછી એક અન્ય વિદ્યાર્થીને પણ મોકલવામાં આવ્યો.આ દરમિયાન તે વિદ્યાર્થીઓને ‘સાહેબ’દ્વારા એવુ કહેવામાં આવ્યું કે તેઓએ સ્ટાફ સિલેકશનની કોઇ પરીક્ષા પાસ કરી છે અને પેલા બે બહેનોને કહેવામાં આવ્યું કે તેઓ કોઇ મોટી આઇ.ટી. કંપનીમાં મેનેજર હતા અને હવે વિદ્યાર્થીઓને માર્ગદર્શન આપવા ઇચ્છે છે (મફત નહી)
2. આ કોચીંગ સેન્ટરના ‘સાહેબ’ એવુ સાબિત કરે છે કે પોતે ફી લેતા નથી (???). શરૂઆતમાં એવુ લાગ્યું કે બહુ સારુ કહેવાય આ રીતે વિદ્યાર્થીઓની સેવા કરી અને જ્ઞાનનો પ્રચાર કરે તે ખુબ સારી બાબત છે પણ પાછળથી જાણવા મળ્યુ કે તે કોચીંગ સેન્ટરના નિયમ મુજબ દરેક વિદ્યાર્થીએ ફી સ્વરૂપે અમુક રકમ એક કવરમાં તે ‘સાહેબ’ને આપવાની રહે છે અને જો આવુ ‘કવર’આપવામાં ન આવે તો તે ‘સાહેબ’દ્વારા જે-તે વિદ્યાર્થીઓને ફોન કરીને અને ફી વિશે પુછવામાં આવે છે. જો ઓછી રકમ હોય તો ? તો પણ ફોન કરવામાં આવે કે અમદાવાદમાં કોચીંગ સેન્ટરો હજારો રૂપીયા ફી સ્વરૂપે લે છે તો તમે 5-6 હજાર પણ ન આપી શકો ????

છેલ્લી વાત: ગયા અંકના લેખ પર એક વિદ્યાર્થીએ લખ્યુ કે ‘આપ મુઆ સ્વર્ગ ન જવાય’. ખુબ જ સાચી વાત છે. સફળ થવું હોય તો કોચીંગ સેન્ટર પર નિર્ભર ન રહી શકાય... જાતે જ મહેનત કરો તો જ સફળતા મળશે. ખોટી દિશામાં રૂપીયા બગાડવાથી જ જો પાસ થઇ જવાતુ હોય તો કોચીંગ સેન્ટર જોઇન કરનાર દરેક વિદ્યાર્થી અત્યારે સરકારી નોકરિયાત હોત જ.... (પણ વાસ્તવમાં નથી, નથી અને નથી જ.)

આપ સૌના ઉજ્જ્વળ ભવિષ્ય માટે શુભકામનાઓ...

આ બ્લોગ વિશે આપનો પ્રતિભાવ નીચે ફોર્મમાં જરૂરથી આપજો. ફેસબુક પર શેર કરવા અહી ક્લિક કરો.

--R. I. Jadeja