આજના જમાનામાં આપણે ઘણી જગ્યાએ કાર્યક્રમો અથવા તો સભામાં જવાનું થતું હોય છે. વિદ્યાર્થી તરીકે, સન્માર્થી તરીકે, વક્તા તરીકે, કાર્યકર્તા તરીકે વગેરે વગેરે હોદ્દા મુજબ પણ લગભગ દરેક વ્યક્તિઓને આ પ્રકારના કાર્યક્રમોમાં જવાનું હોય છે. આવા કાર્યક્રમોમાં નાના બાળકો, ખાસ તો વિદ્યાર્થીઓને કંટાળો આવતો હોય છે જેનું મુખ્ય કારણ સંસ્થાનો પરિચય અને મહેમાનોની ઓળખ હોય છે. ઉપરાંત મહેમાનશ્રીઓ પોતાના લાંબા ભાષણોથી શ્રોતાઓને મંત્રમુગ્ધ કરવાને બદલે કંટાળો આપતા હોય છે. જો કે બોલનારને પોતાનું ભાષણ પ્રિય અને ટુંકુ જ લાગે છે.