RIJADEJA.com વેબસાઇટના 11 વર્ષ પૂર્ણ!

નમસ્કાર મિત્રો, આપણી વેબસાઇટ RIJADEJA.com ના આજે 11 વર્ષ પુરા થયા છે જે બદલ આપ સૌ વિદ્યાર્થીઓ, શિક્ષક મિત્રો તેમજ અન્ય મુલાકાતીઓનો આભાર માનું છું. 11 વર્ષ પહેલા જ્યારે rijadeja.com નામનું આ ડોમેઇન રજીસ્ટર કર્યું ત્યારે તેનો ઉદેશ્ય ફક્ત વેબસાઈટ બનાવતા શિખવાનું હતો એટલે જ ડોમેઇનને વ્યક્તિગત નામથી રજીસ્ટર કરાયું હતું. જ્યારે આ વેબસાઇટ બનાવી ત્યારે એવો સ્વપનેય ખ્યાલ ન હતો કે આ ગુજરાતની પ્રથમ શૈક્ષણિક વેબસાઇટ બની રહી છે અને લાખો વિદ્યાર્થીઓ પોતાનો પ્રેમ દર્શાવી વેબસાઇટને એટલી પ્રસિદ્ધ બનાવશે કે સ્પર્ધાત્મક પરીક્ષાની તૈયારી કરતો કોઇ વિદ્યાર્થી ભાગ્યે જ આ વેબસાઇટના નામથી અપરિચિત હોય!

11 વર્ષની આ યાત્રામાં વેબસાઈટમાં અનેક ફેરફાર કરવામાં આવ્યા, અનેક વિભાગ ઉમેરવામાં આવ્યા જેમાં સરકારી નોકરીઓ માટેના સ્પેશિયલ અપડેટ્સ આપવા માટે Updates Website, કેટેગરી મુજબનું જનરલ નોલેજ પીરસવા માટે GK in Gujarati વેબસાઇટ, સ્પર્ધાત્મક પરીક્ષાઓ માટેના અતિ મહત્વપૂર્ણ વિભાગ કરંટ અફેર્સની તૈયારી માટેનું ગુજરાતનું પ્રથમ ઇ-મેગેઝિન Monday Musings, તમામ પરીક્ષાઓ માટેની માહિતી કોઇપણ સ્થળે અને ગમે ત્યા એક્સેસ કરી શકાય તે માટે RIJADEJA.com મોબાઇલ એપ સહિતના વિભાગોનો સમાવેશ થાય છે. આ તમામ વિભાગો દ્વારા આ વેબસાઈટે વિદ્યાર્થીઓને શક્ય તેટલી વિશ્વસનીય માહિતી પુરી પાડવાનો પ્રયત્ન કર્યો જે હાલ પણ ચાલુ છે અને ભવિષ્યમાં પણ અવિરત ચાલુ રહેશે.

RIJADEJA.com વેબસાઈટ દ્વારા પોતાના સ્લોગન Where Knowledge is Not Monopoly મુજબ જ જ્ઞાન પર કોઇનો એકાધિકાર ન રહી જાય તે વાતને જ પોતાનું લક્ષ્ય માન્યું અને અવિરતપણે સ્પર્ધાત્મક પરીક્ષાઓની માહિતી, માર્ગદર્શન અને વાંચન સામગ્રી (સ્ટડી મટીરિયલ) મળી રહે તે બાબતે પોતાની કામગીરી ચાલુ રાખી. હાલ પણ પોલીસ ભરતી હોય કે જીપીએસસી ક્લાસ 1-2, નાયબ મામલતદાર કે પછી ગૌણ સેવા પસંદગીની હેડ ક્લાર્ક પરીક્ષા, આ વેબસાઇટ દ્વારા દરેક પરીક્ષા બાબતના રિયલ-ટાઇમ અપડેટ, આન્સર-કી / પેપર સોલ્યુશન, જૂના વર્ષના પ્રશ્નપત્રો, સ્ટડી મટીરિયલ સહિતની માહિતી દર કલાકે પીરસવામાં આવી રહી છે. 

ઇન્ટરનેટની આ દુનિયામાં સરકારી નોકરીઓ માટેના અનેક બ્લોગ અને વેબસાઇટ છે પણ RIJADEJA.com પોતાની ગુણવત્તા અને વિશ્વસનીયતાને લીધે વિશેષ સ્થાન ધરાવે છે. આજે પણ સોશિયલ મીડીયાના 'અફવાઓ' ના માર્કેટમાં કોઇ શંકાસ્પદ ભરતીની જાહેરાત જોવા મળે ત્યારે વિદ્યાર્થીઓ RIJADEJA.com ખોલી જે-તે ભરતીની જાહેરાતની ખાતરી કરે છે જે અમારા માટે ખુશીની અને ગર્વની બાબત છે.

જે રીતે આ 11 વર્ષ આપનો સ્નેહ મળતો રહ્યો તે જ રીતે ભવિષ્યમાં પણ આપ સૌનો સાથ સહકાર મળતો રહે તેવી અપેક્ષા.. આપ સૌના ઉજ્જવળ ભવિષ્ય માટે ખુબ ખુબ શુભકામનાઓ...

આપનો વિશ્વાસુ,

R. I. Jadeja

Read More →

RIJADEJA.com Learning App - નવી સુવિધાઓ સાથે...

નમસ્કાર વિદ્યાર્થી મિત્રો,

RIJADEJA.com વેબસાઈટની એન્ડ્રોઇડ એપ્લીકેશનની બીજી આવૃતિ છ મહિના અગાઉ ગુજરાતના મુખ્યમંત્રી શ્રી વિજયભાઇ રુપાણીના હસ્તે લોન્ચ કરવામાં આવી હતી. આ એપ્લીકેશન પોતાના તદ્દન નવા લૂક અને નવા ફિચર્સ સાથે ગૂગલ પ્લે સ્ટોર પર ઉપલબ્ધ છે. છેલ્લા ઘણા સમયથી વિદ્યાર્થીઓને પ્રતિક્ષા હતી તે Monday Musings મેગેઝિનને પણ ઉપલબ્ધ કરાવવામાં આવ્યું છે. આ સિવાય ડેઇલી કરંટ અફેર્સ, વિકલી કરંટ અફેર્સ ક્વિઝ, વિષયવાર જીકે ક્વિઝ, જનરલ નોલેજ પીડીએફ ફાઇલ્સ, જોબ અપડેટ્સ જેવી અન્ય સુવિધાઓ તો ખરી જ!

RIJADEJA.com Learning Appની સુવિધાઓ:

• દિન વિશેષની માહિતી 
• ડેઇલી કરંટ અફેર્સ
• વિકલી કરંટ અફેર્સ Monday Musings મેગેઝિન તરીકે ઉપલબ્ધ
• વિકલી કરંટ અફેર્સ ટેસ્ટ
• જોબ અપડેટ્સ
• વિષય મુજબ જનરલ નોલેજ MCQ ક્વિઝ
• જનરલ નોલેજ PDF Files
• ડેઇલી જીકે
• દરેક સ્પર્ધાત્મક પરીક્ષાઓની માહિતી
• 10,000થી પણ વધુ વન લાઇનર પ્રશ્ન-જવાબ
•  True False ક્વિઝ
• વીડિયો ટ્યુટોરિયલ્સ
• અગત્યના પરિપત્રો / Circulars
• જૂના વર્ષોના સોલ્વડ પ્રશ્નપત્રો
• ગુજરાત મેગેઝિન
• રોજગાર સમાચાર
• રોજગાર ક્વિઝ
• GCERT અને NCERT ઓનલાઇન બુક્સ

આ એપ વિદ્યાર્થીઓને ઉપયોગી થાય તે માટે અમારા દ્વારા તેને દર કલાકે અપડેટ કરવામાં આવે છે તેમજ તેમાં નવી નવી માહિતી ઉમેરવામાં આવે છે. અમને વિશ્વાસ છે કે આ એપ દ્વારા વિદ્યાર્થીઓ પોતાની સ્પર્ધાત્મક પરીક્ષાઓની તૈયારી ગમે ત્યા, ગમે ત્યારે કરી શકશે.

આ એપ વિશે આપના કોઇ મંતવ્ય હોય તો એપની Feedback વિભાગમાં અથવા અમારા ઇમેઇલ એડ્રેસ rijadeja[at]gmail.com[dot]com પર ચોક્કસ આપશો જેથી એપની ગુણવત્તામાં સુધારો કરી શકાય.

Read More →

RIJADEJA.com વેબસાઈટના 7 વર્ષ પૂર્ણ...

નમસ્કાર,

નવા વર્ષની શરૂઆતની સાથોસાથ આપણી શૈક્ષણિક વેબસાઈટ RIJADEJA.comને પણ આજરોજ 7 વર્ષ પૂરા થયા છે. વર્ષ 2010-11મા જ્યારે ફક્ત શોખ માટે તેમજ અમુક ટેકનીકલ બાબતો શીખવ માટે શરૂ કરેલી વેબસાઈટ લોકોને આટલી ઉપયોગી થશે તેમજ આટલા મોટા લેવલ પર પ્રસિદ્ધ થશે તેવો સ્વપ્નમા પણ ખ્યાલ નહોતો.

અગત્યની વાત એ છે RIJADEJA.com વેબસાઈટ એવા સમયમાં લોન્ચ કરવામાં આવી જ્યારે ગુજરાતમાં સ્પર્ધાત્મક પરીક્ષાઓનો રાફડો ફાટવાને થોડો જ સમય બાકી હતો અને આ બાબતે વિદ્યાર્થીઓ વધુ જાગૃત પણ ન હતા. તેથી સ્પર્ધાત્મક પરીક્ષાઓ માટે આ વેબસાઈટ ગુજરાતની પ્રથમ અને સાચા અર્થમાં ગુણવત્તાયુક્ત વાંચન સામગ્રી આપનાર પ્રથમ વેબસાઈટ બની જેને આ 7 વર્ષમાં જબરો પ્રતિસાદ મળ્યો.

શરૂઆત:

RIJADEJA.com વેબસાઈટ બનાવવાનો મુળ હેતુ ડોમેઇનને કંંઈ રીતે કન્ફીગર કરવુ તે શીખવાનો જ હતો. વખત જતા પીડીએફ ફાઈલ કઈ રીતે દર્શાવવી તે શીખવાનું મન થયું. આ બાબત શીખવા માટે સ્વાભાવિક રીતે જ એક પીડીએફ ફાઈલ હોવી જોઇએ. જાણે કુદરતે અગાઉ જ બધુ લખ્યુ હોય તેમ અને જે બાબત જીવનભર યાદ રહેવાની હોય તેવી રીતે GPSC નાયબ મામલતદાર અને ડે. સેક્શન ઓફિસર ભરતી 2010-11 જાહેરાતની પીડીએફ ફાઇલ હાથમાં આવી. જેને વેબસાઈટ પર ફક્ત ટેસ્ટીંગ ધોરણે અપલોડ કરી દેવામાં આવી. થોડા દિવસો બાદ વેબસાઈટના આંકડાઓ જોતા ખ્યાલ આવ્યો કે આ ફાઈલ 50થી વધુ વાર સર્ચમાં ડિસ્પ્લે થઇ છે. ફાઇલ વધુને વધુ જોવાતા રસ પણ વધ્યો કે એવુ તો શુંં છે એમા? ત્યારબાદ તે પીડીએફ ફાઇલનો વિગતવાર અભ્યાસ કરતા જણાયું કે તેમાં જે સિલેબસ આપ્યો છે તેના માટેનું તમામ મટીરિયલ તો મારા લેપટોપમાં ટાઈપ થયેલુ જ હતું, જે મે મારી પરીક્ષાની તૈયારી માટે તૈયારીના ભાગ રૂપે ટાઇપ કર્યું હતું. બસ પછી આજ સુધી ક્યારેય પાછળ ફરીને જોયુ જ નથી અને આજે RIJADEJA.com વેબસાઈટ આપ સૌની સમક્ષ છે.

RIJADEJA.com V/s Others

હાલના સમયની વાત કરીએ તો ઈન્ટરનેટ પર બ્લોગ બનાવવો તે સામાન્ય બાબત છે તેમજ મફત અથવા તો મામૂલી ખર્ચમાં પણ બનાવી શકાય છે ત્યારે ગુજરાતમાં પરીક્ષાઓ માટેના અપડેટ્સ આપતા કદાચ 300થી વધુ બ્લોગ છે. આ બધા બ્લોગ જોઇએ તો જ ખ્યાલ આવે કે આપણી આ વેબસાઈટ પર લખેલી તમામ માહિતી સ્પષ્ટ છે, વિશ્વસનીય છે, ગુણવત્તાયુક્ત છે તેમજ મહેનત કરીને બનાવવામાં આવેલી છે, જે અન્ય સાધારણ બ્લોગમાં જોવા મળતુ નથી. આજે 7 વર્ષ પુરા થયા બાદ પણ RIJADEJA.com વેબસાઈટ પર TRP કમાવા માટે બ્રેકીંગ ન્યૂઝના નામ પર કોઇ ખોટી માહિતી અથવા 'અફવા' ફેલાવવામાં આવતી નથી. બીજા બ્લોગની જેમ સામાન્ય 25-25 MCQ પ્રશ્નોના સેટને 'પોલીસ કોન્સ્ટેબલ પરીક્ષા માટે મોડેલ પ્રશ્નપત્ર' કે પછી 'તલાટી પરીક્ષા માટે અતિ ઉપયોગી પ્રશ્નો' વગેરે જેવા આકર્ષક શિર્ષક હેઠળ કોઇ માહિતી મુકવામાં આવતી નથી.

7 વર્ષ સુધી RIJADEJA.com વેબસાઈટ ફક્ત અને ફક્ત ગુણવત્તાયુક્ત અને વિશ્વસનીય માહિતી પુરી પાડતુ આવ્યું છે અને ભવિષ્યમાં પણ આ જ રીતે વિદ્યાર્થીઓને શક્ય એટલી તમામ માહિતી, માર્ગદર્શન પુરુ પાડવામાં આવશે તેવી બાંહેધરી સાથ તમામ વિદ્યાર્થીઓને વર્ષ 2018 માટેની ખુબ ખુબ શુભકામનાઓ. કોઇપણ કોચીંગ સેન્ટરમાં પોતાના નાણા અને સમય બગાડ્યા વિના સ્વ-મહેનતથી પોતાની ઉજ્જવળ કારકિર્દી બનાવે તેવી શુભકામનાઓ...

R. I. Jadeja

Write your comments / wishes in below comment box

Read More →

New website for Govt. Jobs in India by RIJADEJA.com

Click on image to view larger

Govt. Jobs in India

RIJADEJA.com દ્વારા સ્પર્ધાત્મક પરીક્ષાઓ માટેની તમામ વિગતો / અપડેટ્સ પ્રસિદ્ધ કરવામાં આવે જ છે. પરંતુ આજરોજ (તા. 1 એપ્રિલ, 2017)ના રોજ ફક્ત નેશનલ / રાષ્ટ્રીય સ્તરના અપડેટ્સ માટે એક અલગ વેબસાઈટ http://jobs.rijadeja.com લોન્ચ કરતા અમો હર્ષની લાગણી અનુભવીએ છીએ.

નવી વેબસાઈટમાં ઉપલબ્ધ સુવિધાઓ

• સમગ્ર ભારતમાં ઉપલબ્ધ સરકારી નોકરીઓની જાહેરાત
• પરીક્ષાઓની તારીખની માહિતી
• દરેક પરીક્ષાઓના વિગતવાર અભ્યાસક્રમ (સિલેબસ)
• પરીક્ષાઓ / ઈન્ટરવ્યુ માટેના કોલ લેટરની માહિતી
• વિવિધ પરીક્ષાઓના પેપર સોલ્યુશન / આન્સર-કી
• દરેક સ્પર્ધાત્મક પરીક્ષાઓના પરીણામોની જાણકારી

નવી વેબસાઈટની જરૂરિયાત શા માટે?

હાલમાં સ્પર્ધાત્મક પરીક્ષાઓની તમામ માહિતી http://updates.rijadeja.com વેબસાઈટ પર પ્રસિદ્ધ કરવામાં આવે જ છે પરંતુ અમુક વિદ્યાર્થીઓ ફક્ત ગુજરાત રાજ્યને લાગૂ પડતા અપડેટ્સ જ મેળવવા ઇચ્છે છે. આ કારણથી તેઓ સમગ્ર દિવસ દરમિયાન આવતા ગુજરાત રાજ્યની સાથોસાથ રાષ્ટ્રીય સ્તરના અપડેટ્સથી કંટાળી જતા હતા. આ નવી વેબસાઈટ લોન્ચ કર્યા બાદ હવેથી Updates વેબસાઈટ પર ફક્ત ગુજરાત સ્તરના જ અપડેટ્સ મુકવામાં આવશે તેમજ નવી વેબસાઈટ Jobs પર રાષ્ટ્રીય સ્તરના અપડેટ્સ મુકવામાં આવશે જેથી બિનજરૂરી અપડેટ્સ / નોટિફિકેશનથી વિદ્યાર્થીઓને તકલીફ ન થાય.

આ ફેરફાર બાદ એન્ડ્રોઇડ એપ પર શું અસર થશે?

આ જરૂરી ફેરફાર કર્યા બાદ હાલની એન્ડ્રોઇડ એપ્લીકેશનમાં ફક્ત ગુજરાતને લાગૂ પડતા અપડેટ્સ જ ઉપલબ્ધ રહેશે. રાષ્ટ્રીય સ્તરના અપડેટ્સ અથવા સરકારી નોકરીની માહિતી માટે એક નવી એન્ડ્રોઇડ એપ ટૂંક સમયમાં લોન્ચ કરવામાં આવશે. જેથી વિદ્યાર્થીઓને પોતાની પસંદ મુજબના અપડેટ્સ મળી રહે.

આ વેબસાઈટ જોવા અહી ક્લિક કરો

આશા છે આ ફેરફાર વિદ્યાર્થીઓને ઉપયોગી થશે. નવી વેબસાઈટ વિશે આપનો પ્રતિભાવ જણાવવા અહી ક્લિક કરો.

Read More →

Updates / new features at RIJADEJA.com

નમસ્કાર વિદ્યાર્થી મિત્રો,

સૌ પ્રથમ RIJADEJA.com વેબસાઇટના સૌ વિદ્યાર્થીઓ, શિક્ષકો અને અન્ય મુલાકાતીઓને દિપાવલી અને નૂતન વર્ષની ખુબ ખુબ શુભકામનાઓ...

નવા વર્ષની નવી શરૂઆત સાથે RIJADEJA.com વેબસાઇટ પર પણ ઘણા ફેરફારો / સુધારાઓ કરવાની જરૂરિયાત હોય તેવુ જણાઇ રહ્યું છે. ઘણા બધા વિદ્યાર્થીઓના ઇમેઇલ રોજ મળે છે જેમાં વિદ્યાર્થીઓ દ્વારા પ્રશ્નો પુછવામાં આવતા હોય છે. અમુક જૂના વિદ્યાર્થી મિત્રોની પણ એવી મીઠી ધમકી હતી કે હવે Ask Me સુવિધા ક્યારે ચાલુ કરવી છે? :)

લગભગ સવા બે વર્ષ પહેલા આપણી વેબસાઇટ પરની Ask Me સુવિધા બંધ કરવાની ફરજ પડી હતી. ફરજ પડવા પાછળનું એકમાત્ર કારણ એ હતું કે તેના પર બિન જરૂરી પ્રશ્નોનો ‘મારો’ ચલાવવામાં આવતો હતો. પરંતુ આજે બે વર્ષ બાદ વિદ્યાર્થીઓના ઇમેઇલ પરથી એવુ લાગી રહ્યું છે કે આ સુવિધા ફરી એકવાર શરૂ કરવી જરૂરી જ નહી પણ અનિવાર્ય છે. તેથી આ નવા વર્ષમાં વિદ્યાર્થીઓ માટે આ RIJADEJA.com વેબસાઇટ પર Ask Me સુવિધા ફરીવાર શરૂ કરવામાં આવી રહી છે. આશા છે વિદ્યાર્થીઓ આ સુવિધાનો યોગ્ય લાભ ઉઠાવશે તેમજ બિન જરૂરી પ્રશ્નો નહી પુછે... આ પ્રકારના બિન જરૂરી પ્રશ્નોમાં મોટા ભાગે એવા પ્રશ્નો હોય કે કોઇ પરીક્ષા ક્યારે આવશે?, કોઇ પરીક્ષાનું પરિણામ ક્યારે આવશે?, શું પોલીસમાં ફરીથી ભરતી આવશે?, વૉટ્સએપ પર અમુક હજાર ભરતીના મેસેજ આવે છે તે સાચા છે?.. મિત્રો આવા એકપણ પ્રશ્નનનો સાચો જવાબ આપી શકાય નહી કેમકે, કોઇ પરીક્ષા અથવા તેનું પરિણામ ક્યારે આવશે તે માહિતી જે-તે વિભાગો દ્વારા મોટા ભાગે જાહેર કરવામાં આવતી નથી. રહી વાત વૉટ્સએપના મેસેજની તો તેના માટે જણાવવાનું કે આવા મેસેજ મોટા ભાગે કોચીંગ સેન્ટરો દ્વારા પોતાનો ધંધો ‘ચાલુ’ રાખવા માટે બનાવવામાં આવતા હોય છે તેથી તેના પર ભરોસો કરી શકાય નહી.

ઘણા વિદ્યાર્થીઓની એક માંગ હતી કે RIJADEJA.com વેબસાઇટ પર નવી ભરતીઓની જાહેરાત ઝડપથી જોઇ શકાય તેના માટે ટેબલ ફોર્મેટમાં માહિતી દર્શાવવામાં આવે. વિદ્યાર્થીઓની આ માંગને ધ્યાને લઇ Current Jobs પેઇજ હેઠળ Jobs in Gujarat અને Jobs in India નામના બે અલગ પેઇજ બનાવવામાં આવ્યા છે જેના પર ટેબલ ફોર્મેટમાં તમામ ભરતીઓની જાહેરાત અને તેની ફોર્મ ભરવાની છેલ્લી તારીખ દર્શાવવામાં આવી છે. આ ફેરફારથી વિદ્યાર્થીઓને આ માહિતી જોવામાં ખુબજ સરળતા રહેશે.

RIJADEJA.comની જનરલ નોલેજની વેબસાઇટ GK.RIJADEJA.com પણ નવા મટીરિયલ સાથે તેમજ જૂના મટીરિયલના અપડેશન સાથે વિદ્યાર્થીઓ માટે તૈયાર છે. એન્ડ્રોઇડ એપ્લીકેશન પણ ગુજરાતી પ્રશ્નોના સીમાડાને દૂર કરી હિન્દી ભાષામાં પણ ટેસ્ટ આપી શકાય તેવી સુવિધા સાથે સજ્જ છે. જેમ જેમ વિદ્યાર્થીઓના સૂચનો અને માંગણી મળતી જાય, તેમ તેમ વેબસાઇટ અને એન્ડ્રોઇડ એપ્લીકેશન પર સુધારાઓ થઇ રહ્યાં છે.

સોશીયલ મિડીયાના આ યુગમાં વૉટ્સએપ, ફેસબુક, ટ્વીટર, ગુગલ પ્લ્સ, ટેલીગ્રામ, હાઇક, વાઇબર જેવી અનેકવિધ એપ્લીકેશનનો ઉપયોગ વધી રહ્યો છે ત્યારે સરકારી નોકરીઓ માટેના અપડેટ્સ તેના પર આપવા પણ ખુબજ જરૂરી છે. હાલ RIJADEJA.com વેબસાઇટના અપડેટ્સ ફેસબુક, ગુગલ પ્લસ અને ટ્વીટર પર ઉપલબ્ધ થાય છે પણ જેનો ઉપયોગ સૌથી વધુ થાય છે તેવા વોટ્સએપ પર RIJADEJA.com વેબસાઇટના અપડેટ્સ મળી રહે તે હેતુસર નવી સુવિધા આજરોજથી શરુ કરવાનું પણ નક્કી કર્યું છે. આ સુવિધાથી વિદ્યાર્થીઓને ખુબજ ઝડપથી અપડેટ્સ મળી રહેશે તેમજ તેને શેર કરવામાં પણ સરળતા રહેશે.

આ દરેક સુધારાઓ વિદ્યાર્થીઓને ખૂબજ ઉપયોગી થશે તેવી અમોને ચોક્કસપણે આશા છે. આપના સૂચનો અને વેબસાઇટના અંગેના મંતવ્યો અમોને Feedback પેઇજ પર જરૂરથી આપશો જેથી સાઇટની ગુણવત્તામાં યોગ્ય ફેરફારો કરી શકાય.

ફરી એકવાર, દરેક વિદ્યાર્થી મિત્રોને નવા વર્ષની ખુબ ખુબ શુભકામનાઓ... જય હિન્દ 

--R. I. Jadeja

આપના કિંમતી સૂચનો દ્વારા વેબસાઇટ પર યોગ્ય ફેરફારો કરવા એ જ અમારો ઉદેશ્ય છે. તેથી આપના કિંમતી સૂચનો આ બ્લોગ પોસ્ટ પર અવશ્ય આપશો જેથી આ વેબસાઇટની ગુણવત્તામાં સુધારો કરી શકાય.

અગત્યની લિંક:

• જનરલ નોલેજ વેબસાઇટ
• કરંટ અફેર્સ મેગેઝીન
• સ્ટડી મટીરિયલ
• એન્ડ્રોઇડ એપ્લીકેશન

Read More →

કોચીંગ સેન્ટરની વાસ્તવિકતા

Facts of Coaching centres

મિત્રો, ગુજરાત રાજ્યમાં સરકારી નોકરીઓ માટે સ્પર્ધાત્મક પરીક્ષાઓનો રાફડો ફાટ્યો છે ત્યારે શિક્ષણની આ ‘બજાર’માં કોચીંગ સેન્ટરો, મેગેઝીનો, પ્રકાશનો, બ્લોગ અને વેબસાઇટ્સનો પણ રાફડો ફાટ્યો છે. ઇન્ટરનેટની આ ત્રીજી પેઢીમાં બ્લોગ બનાવવા આસાન અને ‘મફત’ છે ત્યારે ફક્ત સ્પર્ધાત્મક પરીક્ષાઓને લગતા જ અસંખ્ય બ્લોગ્સ ગુજરાતમાં જોવા મળે છે. જો કે બ્લોગ જેટલા બનાવવા આસાન છે તેને મેઇન્ટેઇન કરવા તેટલા જ અઘરા છે. ફક્ત ‘શૈક્ષણિક બ્લોગ’ શબ્દ લખી દેવાથી કોઇ વેબસાઇટ /બ્લોગ શૈક્ષણિક થઇ જતો નથી.

Read More →

પરીક્ષાની તૈયારી માટે પાયાનું જ્ઞાન જરૂરી

મિત્રો, આપણે જોઇએ છીએ કે ગુજરાતમાં હાલ સ્પર્ધાત્મક પરીક્ષાઓનો રાફડો છે. અલગ-અલગ પરીક્ષાઓની જાહેરાતો, ઓજસ વેબસાઇટ હેન્ગ, સાયબર કાફે દ્વારા ખુલ્લી લૂંટ, કોચીંગ સેન્ટરના ધંધા, પ્રકાશનોના ગુણવત્તા વિનાના પુસ્તકો વગેરે જોતા એમ કહી શકાય કે સ્પર્ધાત્મક પરીક્ષાઓ માટેના ધંધાની સિઝન હવે પુર બહારમાં ખીલી ઉઠી છે !

Read More →

રેવન્યુ ક્લાર્ક / તલાટી કમ મંત્રી પરીક્ષા માટે કોચીંગ ???

મિત્રો,

હાલમાં જ ગુજરાત રેવન્યૂ વિભાગ દ્વારા મહેસૂલી 1500 તલાટી અને ક્લાર્ક ભરતીની જાહેરાત કરવામાં આવી. આ ભરતી માટે ધોરણ 12 પાસ હોય અને ઉંમર 18 થી 28 વર્ષ હોય તેવા કોઇપણ ઉમેદવાર લાયક છે. ભરતી પક્રિયામાં ઉમેદવારોએ ફક્ત એક જ પરીક્ષા પાસ કરવાની રહેશે જેમાં કુલ 100 બહુવિકલ્પ ધરાવતા પ્રશ્નો હશે. પરીક્ષાનો અભ્યાસક્રમ જોઇએ તો ગુજરાતી વ્યાકરણ, અંગ્રેજી વ્યાકરણ, અંક ગણિત, સામાન્ય જ્ઞાન અને સામાન્ય બૌદ્ધિક કસોટીનો સમાવેશ થાય છે.

Read More →

New registered logo for rijadeja.com

A new registered logo and slogan for rijadeja.com website.

rijadeja.com વેબસાઇટ માટે આજ સુધી કોઇ લોગો હતો નહી ફક્ત એક નામ જ લખેલ હતુ પરંતુ હવે વેબસાઇટ માટે એક લોગોની જરૂરિયાત હતી તેથી એક નવો લોગો બનાવવામા આવ્યો છે તેમજ તેને કાયદાકીય રીતે રજીસ્ટર્ડ પણ કરાવવામા આવ્યો છે જેથી તેનો કોઇ ત્રાહિત વ્યક્તિ દ્વારા ઉપયોગ/દુરુપયોગ કરવામા ના આવે. 

Read More →