રેવન્યુ ક્લાર્ક / તલાટી કમ મંત્રી પરીક્ષા માટે કોચીંગ ???

મિત્રો,

હાલમાં જ ગુજરાત રેવન્યૂ વિભાગ દ્વારા મહેસૂલી 1500 તલાટી અને ક્લાર્ક ભરતીની જાહેરાત કરવામાં આવી. આ ભરતી માટે ધોરણ 12 પાસ હોય અને ઉંમર 18 થી 28 વર્ષ હોય તેવા કોઇપણ ઉમેદવાર લાયક છે. ભરતી પક્રિયામાં ઉમેદવારોએ ફક્ત એક જ પરીક્ષા પાસ કરવાની રહેશે જેમાં કુલ 100 બહુવિકલ્પ ધરાવતા પ્રશ્નો હશે. પરીક્ષાનો અભ્યાસક્રમ જોઇએ તો ગુજરાતી વ્યાકરણ, અંગ્રેજી વ્યાકરણ, અંક ગણિત, સામાન્ય જ્ઞાન અને સામાન્ય બૌદ્ધિક કસોટીનો સમાવેશ થાય છે.

કોઇપણ પરીક્ષા જાહેર થાય એટલે ‘ધંધો’ કરનારા કોચીંગ સેન્ટર અને પ્રકાશનો તેને લગતી જાહેરાતો અને પુસ્તકો માર્કેટમાં મુકવાની તૈયારીઓ આરંભી દે તેમાં કોઇ નવાઇ નથી જ! પણ 12 પાસની લાયકાત ધરાવતી આ પરીક્ષામાં કોચીંગ સેન્ટર શું તૈયારી કરાવશે ? કારણ કે જે પરીક્ષામાં વર્ણનાત્મક જવાબો લખવાના જ નથી ત્યા કોઇના માર્ગદર્શનની શું જરૂર ? શું ફક્ત પ્રશ્નોત્તરીના લીથા અને સંદર્ભ પુસ્તકોના નામ જાણવા માટે જ કોચીંગ જોઇન કરવાનું ? જો એવા જ પ્રશ્નોત્તરીના સેટ જોઇએ તો આપણી વેબસાઇટ rijadeja.com પર એવા ઘણા જ પ્રશ્નો સહિત બધુ જ સ્ટડી મટીરિયલ્સ છે જ. તો પછી કોચીંગ સેન્ટરની શું જરૂર ? રહી વાત ગણિતની તો આ પરીક્ષા માટે જી.સી.ઇ.આર.ટી.ના ધોરણ 5 થી 8 ના ગણિતના પુસ્તકના અમુક ચેપ્ટરનો અભ્યાસ કરી અને તેના માટે યોગ્ય પ્રેક્ટિસ કરવામાં આવે તો કોઇ કોચ / કોચીંગની જરૂર નથી જ.

આપણી વેબસાઇટ પર આપણાથી શક્ય હોય તેટલુ ગુણવત્તાયુક્ત સ્ટડી મટીરિયલ્સ આપણે મુકીએ જ છીએ. કરંટ અફેયર્સ માટે મન્ડે મ્યુઝિંગ્સ મેગેઝીન પણ છે જ. તો શેની રાહ જોવો છો મિત્રો, તૈયારી શરૂ કરી દો. રેવન્યૂ ક્લાર્ક પરીક્ષા માટે કોઇ જ કોચીંગ કર્યા વિના જાતે જ તૈયારી કરો અને સફળતા મેળવો. જો તમારી ઉંમર આ પરીક્ષા માટે યોગ્ય ન હોય તો નાના મિત્રોને મદદરૂપ થવાનો લાભ જરૂર લેશો કારણ કે જ્ઞાન પર ક્યાંરેય કોઇનો એકાધિકાર નથી જ હોતો...

R. I. Jadeja