22 June, 2017

ગુજરાત પોલીસ ભરતી 2017 ??? પોતાના લાભ માટે વિદ્યાર્થીઓના ભવિષ્ય સાથે ચેડા !!!

ગુજરાત પોલીસ ભરતી 2017
નમસ્કાર વિદ્યાર્થી મિત્રો, 

હાલમાં વૉટ્સએપ સહિતના સોશિયલ મિડીયા પર ગુજરાત પોલીસ ભરતી - 2017ના મથાળા હેઠળ એક ફોટો ફરી રહ્યો છે જેમાં કુલ 17,532 જગ્યાઓ દર્શાવીને જાહેરાત કરવામાં આવી છે. આ ઇમેજ જોતા સ્પષ્ટ ખ્યાલ આવી જાય કે આ ઇમેજ કોઇ ફોર્મ ભરી આપનાર સાયબર કાફે અથવા તેવી કોઇ વ્યક્તિની ઓફિસના નોટીસ બોર્ડનો ફોટો છે. સ્વાભાવિક રીતે જ બેરોજગાર યુવાનો તેમજ સ્પર્ધાત્મક પરીક્ષાઓની તૈયારીઓ  માટે પોતાનો દિવસ રાત એક કરતા તમામ વિદ્યાર્થીઓ  કમ ઉમેદવારો આ ઇમેજ તરફ આકર્ષાવાના જ અને આ વાત કોચીંગ સેન્ટરના નામે પોતાનો ધિકતો 'ધંધો' ચલાવનારા લોકો ખુબ સારી રીતે જાણે છે. તેથી તેઓ યુવાનોને આકર્ષવા માટે નવા નવા નુસખાઓ અપનાવવાના જ. 

ઉપરોક્ત જણાવેલ પોલીસ ભરતી પણ આ 'કાંડ'નો જ એક ભાગ છે. હાલ ગુજરાત પોલીસ દવારા આ પ્રકારની કોઇ જ ભરતી જાહેરાત પ્રસિદ્ધ કરવામાં આવેલ નથી. આ ફોટોમાં જે જગ્યાઓ લખેલી છે તે વર્ષ 2016માં આવેલ પોલીસ ભરતીની જગ્યાઓ છે જે ભરાઇ ચુકી છે તેમજ તે ઉમેદવારોની તાલીમ પણ શરૂ થઇ ગયેલ છે.

વિદ્યાર્થીઓને અત્રે જણાવવાનું કે આ 'કાંડ' કોઇ નવુ નથી, અગાઉ પણ જીપીએસસી વર્ગ 1-2 પ્રિલીમ પરીક્ષા માટે રાજકોટના એક પ્રસિદ્ધ કોચીંગ સેન્ટર દ્વારા ન્યૂઝપેપરમાં ખુબજ ઓછા કટ-ઓફ-માર્ક્સની જાહેરાત કરવામાં આવી હતી. આ જાહેરાતનો મુખ્ય હેતું મુખ્ય પરીક્ષાના કોચીંગ માટે વિદ્યાર્થીઓને આકર્ષવાનો હતો. આ પ્રકારના કોચીંગ સેન્ટર વિદ્યાર્થીઓના ભવિષ્ય સાથે ચેડા / રમત કરી રહ્યા છે. દુઃખની વાત એ છે કે વિદ્યાર્થીઓ પણ આ પ્રકારની રમતમાં આવી જાય છે.

વિદ્યાર્થીઓને નમ્ર વિનંતી કે આ પ્રકારના કોઇ કોચીંગ સેન્ટર અથવા ફોર્મ ભરી આપનારા સાયબર કાફેના દરેક સમાચારોને સાચા માની કોઇ કોચીંગ સેન્ટરમાં જોડાય નહી. વિદ્યાર્થીઓ આ બાબતે પણ ધ્યાન આપે કે ન્યૂઝપેપરમાં આવતા સમાચારો પણ હંમેશા સાચા હોતા નથી. ન્યૂઝપેપરમાં પણ ઘણી વાર કોચીંગ સેન્ટર દ્વારા આગામી ભરતીઓ વિશે ખોટી પેઇડ જાહેરાતો આપવા આવતી હોય છે જેને જોઇને વિદ્યાર્થીઓ કોચીંગ જોઇન કરતા હોય છે. પરંતુ એક જાગૃત અને ભણેલ ગણેલ વિદ્યાર્થીઓએ સોશિયલ મીડિયા તેમજ ન્યૂઝપેપર પર જ આધારિત રહેવાને બદલે પોતાની રીતે તપાસ કર્યા બાદ જ આગળ વધવુ જોઇએ.

છેલ્લે અગત્યની બે વાત:
  1. સ્પર્ધાત્મક પરીક્ષાઓની તૈયારી માટે કોઇ જ કોચીંગ સેન્ટરની જરૂરિયાત નથી, વિદ્યાર્થી પોતે સાચી દિશામાં મહેનત કરે તો પોતાની રીતે જ સફળ થઇ શકે છે. આ માટે વિદ્યાર્થીઓએ ફક્ત તૈયારી માટેનું પાયાનું જ્ઞાન મેળવવું જરૂરી હોય છે.
  2. સરકારી નોકરી અને સ્પર્ધાત્મક પરીક્ષાઓ માટે RIJADEJA.com વેબસાઇટ પર ફક્ત અને ફક્ત વિશ્વસનીય માહિતી જ મુકવામાં આવે છે. અમારા દ્વારા મુકવામાં આવતી માહિતી સૌપ્રથમ અમારા દ્વારા તપાસવામાં આવે છે જેથી ખોટી અફવાઓનો ફેલાવો ન થાય. તેથી વિદ્યાર્થીઓ આ પ્રકારના અપડેટ્સ માટે RIJADEJA.com વેબસાઇટ પર વિશ્વાસ મુકી શકે છે.
સ્પર્ધાત્મક પરીક્ષાઓની તૈયારી માટે જરૂરી વેબસાઈટ્સ:
  1. વિવિધ સ્પર્ધાત્મ પરીક્ષાઓ માટેની વાંચન સામગ્રી (સ્ટડી મટીરિયલ)
  2. વિષયવાર સામાન્ય જ્ઞાનની પીડીએફ ફાઇલ 
  3. અઠવાડિક કરંટ અફેર્સ
  4. Govt Jobs in Gujarat
  5. Govt Jobs in India

6 comments:

  1. Thank you sir,you are always inspiring us..
    Keep it up God bless you!!

    ReplyDelete
  2. Ok thanks rijadeja website.you are give a right information. Thanks

    ReplyDelete
  3. Ok thanks rijadeja website.you are give a right information. Thanks

    ReplyDelete
  4. Thanks for this great article. કોચીંગ સેન્ટર જાહેરાતો કરી વિદ્યાર્થીઓને લૂંટી રહ્યા છે દુઃખની વાત છે કે આવા લૂંટારાઓને વિદ્યાર્થી પણ મળી રહે છે. આ પ્રકારના લેખ નિયમિત સમયાંતરે લખી વિદ્યાર્થીઓને જાગૃત કરતા રહેશો તેવી આશા...

    ReplyDelete
  5. સાચી માહિતી આપવા બદલ ખુબખુબ આભાર

    ReplyDelete
  6. you are absorlutely right sir...when you eloborate the study spam in your information...

    ReplyDelete