24 May, 2017

મન્ડે મ્યુઝિંગ્સ - કરંટ અફેર્સની અવિરત યાત્રાના 5 વર્ષ પૂર્ણ

વિદ્યાર્થી મિત્રો,

14 મે, 2012ના રોજ શરૂ કરેલ આપણા આ કરંટ અફેર્સ મેગેઝિનને પાંચ વર્ષ પૂર્ણ થયેલ છે. આ પાંચ વર્ષોમાં આ મેગેઝિન દ્વારા હજારો નહી પણ લાખો વિદ્યાર્થીઓને નિયમિત રીતે કરંટ અફેર્સ પુરુ પાડવામાં આવ્યુ છે અને ભવિષ્યમાં પણ આ યાત્રા અવિરત ચાલુ જ રહેશે.

સમયની માંગ મુજબ આ મેગેઝિન જ્યારે શરૂ કરાયું ત્યારે અને હાલના મેગેઝિનમાં ઘણા ફેરફારો કરાયા છે. જેમાં ડિઝાઇન, ફોર્મેટીંગ, ઓનલાઇન ટેસ્ટ, MM Special વગેરેનો સમાવેશ થાય છે. ભવિષ્યમાં પણ સમયની માંગ મુજબ આ મેગેઝિનમાં ફેરફારો અવશ્ય કરવામાં આવશે.

આ મેગેઝિન મોબાઇલ તેમજ ટેબ્લેટ્સમાં ઓનલાઇન જોવામાં અમુક વિદ્યાર્થીઓને પડતી તકલીફોને ધ્યાને લઇ વેબસાઈટની ડિઝાઇન તેમજ પ્લેટફોર્મ બદલવામાં આવ્યુ છે. નવી ડિઝાઇન કરાયેલી વેબસાઈટ મોબાઇલ, ટેબ્લેટ્સ, લેપટોપ કે ડેસ્કટોપ સહિતના તમામ ડિવાઇસ પર એકદમ સરળ રીતે જોઇ શકાશે. નવી વેબસાઈટ મન્ડે મ્યુઝિંગ્સ મેગેઝિનના જૂના વેબ એડ્રેસ પર જ એટલે કે http://mm.rijadeja.com પર જ જોઇ શકાશે.

વધુમાં, મન્ડે મ્યુઝિંગ્સ મેગેઝિનના તમામ જૂના અંકો આ વેબસાઇટ પર ઉપલબ્ધ છે. સાથોસાથ, તમામ જૂના MM Special અંકો, ટેસ્ટ (આન્સર-કી સાથે) પણ ઉપલબ્ધ છે જેથી કોઇ પરીક્ષા માટે છેલ્લા અમુક મહિનાઓનું કરંટ અફેર્સનું લેટેસ્ટ મટીરિયલ શોધવા માટે ક્યાંય જવુ પડશે નહી. આ તમામ અંકો અમારી એન્ડ્રોઇડ એપ્લીકેશન પર પણ ઉપલબ્ધ છે જેથી તમે ગમે ત્યા અને ગમે ત્યારે મોબાઇલ, ટેબ્લેટ પર ગુણવત્તાયુક્ત કરંટ અફેર્સ તથા જનરલ નોલેજ વાંચી શકશો.

ઘણા વિદ્યાર્થીઓના એવા પ્રતિભાવો મળી રહ્યા છે કે આ મેગેઝિનને ડેઇલી સ્વરૂપે પ્રસિદ્ધ કરો પણ હાલ પુરતું સમયની મર્યાદાઓને ધ્યાને લેતા આવુ કરવું શક્ય નથી તેથી મન્ડે મ્યુઝિંગ્સ મેગેઝિન હાલના ફોર્મેટ મુજબ વિકલી એટલે કે સાપ્તાહિક સ્વરૂપે જ પ્રસિદ્ધ થશે.

આશા છે આ મેગેઝિન સર્વે વિદ્યાર્થી મિત્રોને આવનારી વિવિધ સ્પર્ધાત્મક પરીક્ષાઓમાં ઉપયોગી થતું રહેશે તેમજ અમારો હરહંમેશ પ્રયત્ન રહેશે કે કરંટ અફેર્સ માટે વિદ્યાર્થીઓએ કોઇ અન્ય સ્ત્રોત અથવા મેગેઝિનનો ઉપયોગ કરી પોતાનો સમય અને નાણાનો ખોટી રીતે વ્યય થાય નહી.

મન્ડે મ્યુઝિંગ્સ મેગેઝિન તેમજ તેની વેબસાઈટ વિશેના આપના વિચારો અને મંતવ્યો અમોને ફીડબેક પેઇજ પર અવશ્ય જણાવશો જેથી તેમાં જરૂરી ફેરફારો કરી શકાય.

આપ સૌના ઉજળા ભવિષ્યની શુભેચ્છાઓ સહ...

--R. I. Jadeja


01 April, 2017

New website for Govt. Jobs in India by RIJADEJA.com

govt jobs india
Click on image to view larger

Govt. Jobs in India

RIJADEJA.com દ્વારા સ્પર્ધાત્મક પરીક્ષાઓ માટેની તમામ વિગતો / અપડેટ્સ પ્રસિદ્ધ કરવામાં આવે જ છે. પરંતુ આજરોજ (તા. 1 એપ્રિલ, 2017)ના રોજ ફક્ત નેશનલ / રાષ્ટ્રીય સ્તરના અપડેટ્સ માટે એક અલગ વેબસાઈટ http://jobs.rijadeja.com લોન્ચ કરતા અમો હર્ષની લાગણી અનુભવીએ છીએ.

નવી વેબસાઈટમાં ઉપલબ્ધ સુવિધાઓ

  • સમગ્ર ભારતમાં ઉપલબ્ધ સરકારી નોકરીઓની જાહેરાત
  • પરીક્ષાઓની તારીખની માહિતી
  • દરેક પરીક્ષાઓના વિગતવાર અભ્યાસક્રમ (સિલેબસ)
  • પરીક્ષાઓ / ઈન્ટરવ્યુ માટેના કોલ લેટરની માહિતી
  • વિવિધ પરીક્ષાઓના પેપર સોલ્યુશન / આન્સર-કી
  • દરેક સ્પર્ધાત્મક પરીક્ષાઓના પરીણામોની જાણકારી

નવી વેબસાઈટની જરૂરિયાત શા માટે?

હાલમાં સ્પર્ધાત્મક પરીક્ષાઓની તમામ માહિતી http://updates.rijadeja.com વેબસાઈટ પર પ્રસિદ્ધ કરવામાં આવે જ છે પરંતુ અમુક વિદ્યાર્થીઓ ફક્ત ગુજરાત રાજ્યને લાગૂ પડતા અપડેટ્સ જ મેળવવા ઇચ્છે છે. આ કારણથી તેઓ સમગ્ર દિવસ દરમિયાન આવતા ગુજરાત રાજ્યની સાથોસાથ રાષ્ટ્રીય સ્તરના અપડેટ્સથી કંટાળી જતા હતા. આ નવી વેબસાઈટ લોન્ચ કર્યા બાદ હવેથી Updates વેબસાઈટ પર ફક્ત ગુજરાત સ્તરના જ અપડેટ્સ મુકવામાં આવશે તેમજ નવી વેબસાઈટ Jobs પર રાષ્ટ્રીય સ્તરના અપડેટ્સ મુકવામાં આવશે જેથી બિનજરૂરી અપડેટ્સ / નોટિફિકેશનથી વિદ્યાર્થીઓને તકલીફ ન થાય.

આ ફેરફાર બાદ એન્ડ્રોઇડ એપ પર શું અસર થશે?

આ જરૂરી ફેરફાર કર્યા બાદ હાલની એન્ડ્રોઇડ એપ્લીકેશનમાં ફક્ત ગુજરાતને લાગૂ પડતા અપડેટ્સ જ ઉપલબ્ધ રહેશે. રાષ્ટ્રીય સ્તરના અપડેટ્સ અથવા સરકારી નોકરીની માહિતી માટે એક નવી એન્ડ્રોઇડ એપ ટૂંક સમયમાં લોન્ચ કરવામાં આવશે. જેથી વિદ્યાર્થીઓને પોતાની પસંદ મુજબના અપડેટ્સ મળી રહે.


આશા છે આ ફેરફાર વિદ્યાર્થીઓને ઉપયોગી થશે. નવી વેબસાઈટ વિશે આપનો પ્રતિભાવ જણાવવા અહી ક્લિક કરો.

12 January, 2017

સ્વામી વિવેકાનંદ - ૧૫૪મી જન્મ જયંતિ

swami-vivekanand-154-birth
12મી જાન્યુઆરીનો આજનો પવિત્ર દિવસ યુવાનો માટે ખુબજ મહત્વનો દિવસ છે કેમકે આજના જ દિવસે એટલે કે 12મી જાન્યુઆરી, 1863 (મકરસંક્રાત)ના દિવસે યુવાનોના પ્રેરણાસ્ત્રોત એવા નરેન્દ્રનાથ દત્ત એટલે કે સ્વામી વિવેકાનંદનો જન્મ થયો હતો. આજે સ્વામીજીની 154મી જન્મ જયંતિ છે.

જેના જન્મ થયે આજે દોઢ સદી વિતી ચુકી છે તો પણ તેઓની છબી જોતા જ તેઓ જીવંત છે તેવો અહેસાસ થાય છે. તેઓના ફોટાને જોતા જ તેઓનું વાક્ય 'બળ એ જીવન છે, નિર્બળતા એ મૃત્યુ છે' સાકાર થતું દેખાય છે. આજની તારીખે પણ તેઓના સુવાક્યોની કોઇ નાની પુસ્તિકા વાંચીને પણ આપણામાં કોઇ નવી ઉર્જા અને નવું બળ સર્જાતું હોય તેવુ દેખાય છે.

આટલા વર્ષો પછી પણ જેને વારંવાર વાંચવાનું મન થાય તેવા સ્વામીજીના ઉદ્‌બોધનો વાંચીએ જેમાં લખ્યુ હોય કે 'અરે ઓ સિંહો, તમે ઉભા થાઓ અને તમે ઘેંટા છો એવો વિચાર ખંખેરી નાખો' ત્યારે સાચે જ આપણે સિંહ જેવા હિંમ્મતવાન છીએ તેવો ભાવ થાય છે.

ભારતવર્ષને હજુ પણ સદીઓ સુધી સ્વામીજીના આ સંબોધનો હિમ્મત આપતા રહેશે તેમજ યુવાનોને રાહ ચિંધતા રહેશે તે નિશ્ચિત છે. સ્વામીજીની 154મી જન્મ જયંતિ નિમિતે તેઓને કોટિ કોટિ વંદન કરી તેઓના પ્રખ્યાત વાક્ય 'ઉઠો, જાગો અને ધ્યેય પ્રાપ્ત કરો' ને સાકાર કરવા માટે આગે કૂચ કરીએ...

05 September, 2016

GK on Air launched by RIJADEJA.com

નમસ્કાર વિદ્યાર્થી મિત્રો,

આજે 5મી સપ્ટેમ્બર એટલે કે શિક્ષક દિવસ અને સાથોસાથ ગણેશ ચતુર્થી જેવો પવિત્ર દિવસ. આજનો દિવસ દરેક વિદ્યાર્થીઓ માટે ખુબ જ અગત્યનો હોય છે. આજના આ પવિત્ર દિવસે RIJADEJA.com ની એન્ડ્રોઇડ એપ્લીકેશનમાં નવી સુવિધાઓ, ફેરફાર તેમજ નવું મટીરિયલ અને પ્રશ્નો ઉમેરવામાં આવ્યા છે. 

RIJADEJA.com ની એન્ડ્રોઇડ એપ્લીકેશનમાં ‘Gk on Air’ નામનો એક નવો વિભાગ ઉમેરવામાં આવ્યો છે. આ વિભાગમાં નિયમિત સમયાંતરે જનરલ નોલેજ ને લગતા વિવિધ વિષયના ટોપિક ઉમેરવામાં આવશે જે સ્પર્ધાત્મક પરીક્ષાઓની તૈયારી કરતા વિદ્યાર્થીઓને ખુબ જ ઉપયોગી રહેશે. મન્ડે મ્યુસિંગ્સ મેગેઝીનના MM Special અને GK on Air વિભાગ વચ્ચે એક ખુબજ પાતળી ભેદરેખા એ રહેશે કે MM Specialમાં કોઇ વિષયને લગતા 1-2 પેઇજના તથ્યો છે જ્યારે GK on Air માં પરીક્ષા વિશેષ કોઇ અગત્યની ઘટના અથવા કોઇ વિષય સંબંધિત ખુબજ ટુંકુ (Repeat ‘ટુંકુ’) જ્ઞાન પીરસવાનો પ્રયાસ કરવામાં આવશે.

GK on Air વિભાગની મહત્વની બાબત એ છે કે એકવાર આ વિભાગના કોઇ ટોપિકને ઓનલાઇન જોઇ લીધા બાદ તે ટોપિકને બીજી વાર ઇન્ટરનેટ વિના પણ જોઇ શકાશે.

આપણી એન્ડ્રોઇડ એપમાં ‘GK on Air’ વિભાગ સિવાય અન્ય ફેરફારો પણ કરવામાં આવ્યા છે જેમાં તેના યુઝર ઇન્ટરફેસ એટલે કે દેખાવમાં બદલાવ કરવામાં આવ્યો છે તેમજ નવી વાંચન સામગ્રી (સ્ટડી મટીરિયલ) અને જનરલ નોલેજ, કાયદો વગેરે વિષયના પ્રશ્નો પણ ઉમેરવામાં આવ્યા છે.

આ તમામ ફેરફારો બાદ વિદ્યાર્થીઓને સ્પર્ધાત્મક પરીક્ષાઓ માટેના તમામ અપડેટ્સ ચોક્કસપણે મળી રહે તેવા હેતુથી એપ્લીકેશમાં Web Services દ્વારા નોટિફિકેશન આપવાનો પણ પ્રયાસ કરવામાં આવ્યો છે જેથી કોઇપણ અપડેટ્સ વિદ્યાર્થીઓને તાત્કાલિક મળી રહે.

ધીમુ ઇન્ટરનેટ કનેક્શન ધરાવતા વિદ્યાર્થીઓને ધ્યાને લઇને અપડેટ્સ માટેની આપણી વેબસાઈટ http://updates.rijadeja.comની ડિઝાઇન અને લે-આઉટમાં પણ ફેરફાર કરીને તેની લોડ થવાની ઝડપમાં પણ વધારો કરાયો છે જેથી ધીમુ ઇન્ટરનેટ ધરાવતા વિદ્યાર્થીઓને વેબસાઈટ ખોલવામાં તકલીફ ન પડે.

આ તમામ ફેરફારો બાદ વિદ્યાર્થીઓને સ્પર્ધાત્મક પરીક્ષાઓની તૈયારીમાં RIJADEJA.com એન્ડ્રોઇડ એપ ખુબજ ઉપયોગી નિવડશે તેવો અમને વિશ્વાસ છે.

એન્ડ્રોઇડ એપ વિશેના આપના મંતવ્યો અમારા માટે ખુબજ અગત્યના છે. આ એપ વિશેના આપના મંતવ્યો / સૂચનો વેબસાઈટના ફીડબેક પેઇજ www.rijadeja.com/feedback પર પણ આપી શકો છો તેમજ ગૂગલ પ્લે સ્ટોર પર પણ આપના રિવ્યૂ સબમીટ કરી શકો છો જેથી એપ્લીકેશનના આગામી અપડેટ્સમાં મહત્વના સુધારા થઇ શકે.

RIJADEJA.com વેબસાઈટ દરેક વિદ્યાર્થીઓને ગણેશ ચતુર્થી અને શિક્ષક દિવસની ખુબ ખુબ શુભકામનાઓ...

RIJADEJA.com એન્ડ્રોઇડ એપ ડાઉનલોડ કરવા ક્લિક કરો

--R. I. Jadeja

25 August, 2016

શ્રી કૃષ્ણ લીલા

Krishna
જન્માષ્ઠમી... શબ્દ સાંભળતા અથવા વાંચતા જ એક નાના બાળ સ્વરૂપ ભગવાનનો ચહેરો સામે આવી જાય. અને એ પણ કેવો? થોડો નટખટ, તોફાની, માખણની ચોરી કરતો, વાંસળી વગાડતો, કાલીનાગ પર નૃત્ય કરતો, ગોપીઓ સાથે રાસ રમતો, ગાયો ચરાવતો –અને થોડા વર્ષો પછીનો વિચાર કરીએ તો, કંસને મારતો, અર્જુનને ગીતા સાર સંભળાવતો વગેરે... ટુંકમાં કહીએ તો એક આદર્શ પુરુષ, આજની સોશિયલ મીડિયાની ભાષામાં કહીએ તો જેને Follow કરવું ગમે તેવો વ્યક્તિ. એટલે જ તો કૃષ્ણને પુરુષોમાં ઉત્તમ એટલે કે પુરુષોત્તમ કહ્યો છે.

કૃષ્ણ એટલે એક એવુ નામ કે જેને ‘તું’ કહેવું વધુ ગમે. ખરેખર તો પાંચ હજારથી પણ વધુ વર્ષો પહેલાના આ વ્યક્તિત્વને ‘તું’ ન કહી શકાય પણ તેમની સાથે જોડાયેલા ભાવોના કારણે આપણે તેને બાળક જ માનીએ છીએ અને ‘તું’ કહેવા માટે મજબુર થઇએ છીએ.

ફક્ત જન્માષ્ઠમીના તહેવાર નિમિતે જ નહી પણ દરરોજ ભારતવર્ષની હજારો, લાખો નહી પણ કરોડો માતાઓ કૃષ્ણને પ્રેમથી નવડાવે છે, જમાડે છે અને નાના એવા હિંડોળામાં ઝુલાવે પણ છે. મંદિરોમાં આવતા હજારો, લાખો ભક્તો પણ પોતાના આ વ્હાલસોયા ભગવાનને હિંડોળામાં ઝુલાવે છે તેમજ મંદિરોમાં આવતી લાખો, કરોડો માતાઓ વ્હાલથી તેમના આ પ્રિય ભગવાનના દુખણા લે છે. આજે પાંચ હજારથી પણ વધુ વર્ષો વીતી ગયા હોવા છતાં કૃષ્ણનો મહિમા જરા પણ ઓછો થયો નથી.

કહેવાય છે કે જ્યારે કૃષ્ણનો જન્મ થયો ત્યારે તમામ નક્ષત્રો અને ગ્રહોની સ્થિતિ સારી નહોતી પણ ભગવાનના જન્મ થવા માટે તમામ સ્થિતિઓ પોતાના શ્રેષ્ઠ સ્થાનો પર આવી હતી અને ભગવાનશ્રીનો શ્રાવણ વદ આઠમના દિવસે જેલમાં જન્મ થયો, જન્મ બાદ લોક કલ્યાણના કાર્યો માટે વિવિધ રાક્ષસો અને પોતાના જ મામા કંસની હત્યા કરવી અને અર્જુનને મહાનગ્રંથ ગીતાનું રસપાન કરાવવું આ બધુ જ કૃષ્ણએ કર્યું અને આ બધુ જ લોકોના હિત માટે કર્યું છે જેની તુલના એક ‘તુચ્છ’ ફિલ્મી શબ્દ ‘ડૉન’ સાથે કરવી એ મહા મૂર્ખતા છે. આવા શબ્દો દ્વારા ભગવાનની તુલના એક ‘ગુંડા’ સાથે કરવી તે ભગવાન શ્રી કૃષ્ણનું અપમાન છે.

ભગવાનની લીલાઓ અને તમામ ઇતિહાસ જાણ્યા બાદ દ્વારિકાવાળાના બે અલગ અલગ ગીતોની ખુબ જ સુંદર પંક્તિઓ અહી ટાંકવાનું મન થાય છે.
તમે સદ્‌ગુણના છો સ્વામી, તમે સર્વના અંતરયામી,
તમે અણુ અણુમાં છો બિંદુ, તમે વિરાટમાં વસનારા,
તમે ધર્મ ધુરંધર, તમે ગીતા ગાયી, ચક્ર સુદર્શન વાળા,
દ્વારિકા વાળા...
પ્રેમ ને વશ થઇ હરજી મારો સાચવે સૌનું ટાણું,
ભરી સભામાં દ્રૌપદીના પુર્યા ચીર નવસો નવ્વાણું,
બોડાણાનું ગાડું હાંકે રે, મારો દેવ દ્વારિકા વાળો...
RIJADEJA.com વેબસાઈટના તમામ વાચકોને જન્માષ્ઠમીની ખુબ ખુબ શુભકામનાઓ...

--R. I. Jadeja